Fréttir

Kosning

15.03.2020

Rafræn kynning og kosning á nýjum kjarasamningum

Fyrirhugaðir kynningarfundir vegna nýgerða kjarasamninga við ríki og bæ, munu ekki verða haldnir að gefinni tillitsemi vegna óvenjulegra aðstæðna í samfélaginu. Við teljum enga ástæðu til að storka fyrirmælum stjórnenda og hvað þá örlögum okkar félagsmanna og fjölskyldum þeirra.

Í rafrænum heimi sem flest okkar búum við getum við ráðstafað því þannig að ítarlegt kynningarefni verður sett inná Facebook- og heimasíðu STAVEY á mánudaginn kemur 16.mars. 
Rafræn kosning mun svo fara af stað á hádegi miðvikudag 18.mars og henni lýkur seinnipart dags 22.mars. Nánari tímasetningar seinna. 

Þið fáið sendan tölvupóst eða SMS fyrir uppsettan tíma með slóð inná atkvæðagreiðsluforrit. Ef það er einhver misbrestur á, hafið þá endilega samband við skrifstofu og við reynum að greiða úr því. 

Það er von okkar að þetta óvenjulega fyrirkomulag að kosningu nýs kjarasamnings geti gengið upp og valdi ykkur ekki miklum óþægindum og eða óvissu. Við munum gera allt sem í okkar valdi stendur til að létta undir ykkar aðgengi og aðstoða á alla hugsanlegan hátt. 

Við reynum svo að svara öllum spurningum sem upp koma hratt og vel á FB og svo má líka senda okkur tölvupóst stavey@stavey.is

Með von um góðar og samvinnufúsar undirtektir
F.h. stjórnar Stavey
Unnur